AZIZUL ANNUAR ADENAN

KUCHING: Komiti Raban Nembiak Parti Pesaka Bumiputera Bersatu (PBB) andal bisi besibil (enda betul) penerang dalam sistem peminta eKasih.

Kenu ku, Tuai Pemadah Nembiak PBB, Azizul Annuar Adenan, tu beduduk ari penyampau nya enda mandangka pekara ke nyata ba Sarawak.

“Sitak ke diuan raban mayuh orang seranta pemadu mayuh iya nya Kuching, Serian enggau Simunjan.

“Tang kebendar, agi mayuh sitak menua pesisir agi ba kategori nya, tang nyangka laban sitak nya bedau datai bungkur internet, ruang bilik ke seranta nya enda ulih ngerejister diri ba sistem tu,” ku iya.

Iya madah munyi nya nengah sebengkah penerag ngarika Nembiak PBB nimbal penerang ari Menteri ba Opis Menteri Besai (Tanggungpengawa Khas) Abdul Latiff Ahmad ti madah lebih 97,000 ruang bilik ba Sarawak idup seranta.

Kenu ku Adun Tanjong Datu nya, tiga bengkah sitak ke diasai setengan mengeri iya nya Kuching endang indu mengeri besai nengeri tu.

Nya alai, ku iya raban sida ngarapka pengawa ngerejister eKasih diatur manah agi lalu ejensi bekaul patut datai ngabas ruang bilik ngambi nemu pekara ke nyata.

“Kami mega nandu penerang dibantai Martin Ben (Adun Kedup) ti madah data eKasih patut digaga baru enggau diaku.

“Nengah data lama, Perintah Besai patut berunding baka ngurangka tikas penyeranta laban nya endang tanggungpengawa sida.

“Sida enda ulih semina nyebut penyampau aja tang nadai ngaga sebarang atur mutarka penanggul tu.

“Nya alai, beri mayuh agi belanja ngagai Sarawak dikena mantu ngelempungkak tating penusah ruang bilik enggau ngubah tikas pengidup sida,” ku iya.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak