TABI PUJI…Nicodemus Manggoi Moses (kanan) bulih dua midul emas lalu Bryan Junency (kiba) bulih siti midul emas enggau siti midul pirak ba Pekit Lumba Para Asean (APG) ke-11 tu diatur ba Solo, Indonesia.

KUCHING: Atlit Para Sarawak, Nicodemus Manggoi Moses mujur nyaup tim Malaysia nambahka dua midul emas ba kategori powerlifting ba pemerat semua 548 kilogram (kg) enggau angkat berat pemadu manah 185kg bagi kategori 88kg.

Pemujur nya dijapai iya ba Pekit Lumba Para Asean (APG) ke-11 ke benung diatur ba Solo, Indonesia.

Nicodemus mujur ngalahka pemekit ari Indonesia Andika Eka Jaya (512kg/173kg) bulih midul pirak enggau pengari ari Thailand Somdak Kakuen (507kg/170kg) bulih midul engkeraju.

Ba posting Facebook iya, Nicodemus madahka diri meri terima kasih ngagai Tuhan laban udah merekatka pemujur iya.

Iya mega meri terima kasih ngagai apai, indai, kaban belayan enggau bala jurulatih ti udah mayuh meri peransang sereta ngiring iya belatih ngelama tu.

Nangkan nya, siku agi atlit para menua Bryan Junency ngayanka gaya ti nyulut laban mujur mai pulai siti agi midul emas kategori kesemua 498kg ngalahka pengari ari Indonesia Tambi Sibarani (495kg) bulih midul pirak enggau pengari ari Myanmar Min Zaw Win (110kg) bulih midul engkeraju.

Bagi angkat pemadu manah Bryan ti mega menyadi biak ngagai jaguh angkat berat menua Bonnie Bunyau Gustin semina teulihka midul pirak iya nya 170kg dalam kategori 80kg.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak