NADAI DAYA… Rumah Panjai Jungan angus lengis tumu pagi tadi.

SELANGAU: Sebuah rumah panjai ba Batu 36 Tamin, Jalai Sibu – Selangau ditu angus tumu pagi tadi.

Rumah panjai kayu tisi jalai semak Sungai Tamin ti betuaika Tuai Rumah Yamin diatu tauka ex-Tuai Rumah Jungan suba diripotka angus lengis.

Nitihka ripot Palan Bejalaika Operasyen (PGO) Bomba Sarawak, sida nerima kangau pasal penusah ke nuntung rumah panjai nya urung pukul 6.58 pagi.

“Raban PGO Sarawak ti nerima kangau pasal penusah lalu berumban ngesah sida ke tasah,” ku penerang nya.

Suara Sarawak