RABAN bomba enggau Opis Kimia maya meresa simpir besi begulai enggau Opis Kimia maya meresa simpir besi dipelaba roket menua China ditemu ba kebun sawit Semawa Baru ditu, ensana.

PANTU: Siti agi simpir besi dipelaba roket menua China ditemu ba sitak kebun kelapa sawit Semawa Baru ditu, ensana.

Kenu ku Tuai Bomba enggau Penyah Penusah Zon Tiga Sri Aman Ramlan Marajan, barang bechura pirak ngembuan 2.3 meter pemesai bukai panjai enggau semeter buka tisi dipelaba 5 milimeter ngembuan abi belah.

“Pengudah datai ba kebun dipenggi Kiai Naga, 78, raban Bravo enggau raban polis terus matau ba sitak simpir besi nya ditemu.

“Lebuh raban Kimia enggau ATOM Kuching datai, operasi nyidi radioaktif ba simpir besi roket nya terus dipejalaika, tang polis ngenukuka nadai kereban radioaktif ditemu sereta likun diatur,” ku iya, ditu malam ensana.

Ku iya, barang nya udah diserah ngagai Opis Kimia lalu opis sida bejalaika pengawa bekaul udah nya.
Ku iya, operasyen disaup sekeda ejensi lalu tembu pukul 6.20 lemai.

Simpir besi deka dibai ke Kuching ungkup atur bekaul.

Suara Sarawak