KUCHING: Bisi dua ngagai tiga hak Sarawak ba Sempekat Malaysia 1963 (MA63) agi dikerandau nengah Aum Kaunsil Khas Pasal MA63.

Premier Sarawak Datuk Patinggi Tan Sri Abang Johari Tun Openg madah, semua pekara bekaul nya agi dikerandau kededua raban entara Perintah Besai enggau Perintah Sarawak.

“Kelimpah ari hak ke udah mujur diambi pulai nengah randau, agi bisi dua tauka tiga pekara agi dikerandau dikena ngetanka hak dikemisi Sarawak nengah MA63 enggau Ripot Komiti Entara Perintah (IGC), “ku iya.

Abang Johari ke mega Chairman Gempung Parti Sarawak (GPS) mansutka jaku nya ba aum pemberita pengudah betuaika Aum Supreme Kaunsil Parti GPS di Palan Aum Borneo Kuching (BCCK), malam tadi.

Ku iya, tu nyengkaum hak mulaika 35 peratus penuduk Parlimen di Sarawak enggau Sabah.

Suara Sarawak