MARUDI: Perintah Sarawak sedia nambahka agih belanja ungkup pemansang infrastruktur di Marudi ke ulih meri pemaik sereta ngangkatka ekonomi rama komuniti.

Premier Sarawak, Datuk Patinggi Abang Johari Tun Openg madah, tu nyengkaum nyendiaka bemacham perengkaguna pemun, ngaga jematan, ngemanah tebing sungai, pengawa betanam betupi enggau ke bukai.

DITERIMA… Abang Johari (tengah) ngemataka Ling Chiong Ho nerima surat ari Richard Tajan.

Ku iya, perintah keran bejalaika projek pemansang ungkup pemaik rayat taja inisiatif nya begunaka belanja tambah.

“Aku enggau Datuk Amar Douglas Uggah Embas deka berundingka chara lalu aku pechaya kitai ulih ngiga belanja baka ngena asil Chukai Jual Nengeri (SST) ari Petronas,” ku iya.

Abang Johari mansutka jaku nya pengudah ngatur pejalai ngabas seraya gawa ngagai Marudi di Balai Suarah Marudi, kemari.

Suara Sarawak