KUCHING: “Baikka agi bediri tauka enda maya Pengawa Bepilih Besai Ke-15 (PRU-15), pekara tu dilempai penuh ngagai Premier Sarawak Datuk Patinggi Tan Sri Abang Johari Tun Openg”, ku Kaban Parlimen Batang Sadong Datuk Seri Nancy Shukri.

Menteri Dagang Temuai, Seni enggau Main Asal nya madah, nyema agi diberi peluang bediri baru, iya endang udah sedia deka megai tanggungpengawa nya enggau meruan.

Datuk Seri Nancy Shukri

“Nyema raban tuai meda aku agi ulih bejalaika tanggungpengawa tu, nama-nama aja, bepanggai ngagai Premier,” ku iya ba sebengkah randau ditu, tadi.

Nancy bejaku munyi nya lebuh ditanya pemberita sekalika iya agi ngetanka penuduk sitak Parlimen Batang Sadong tauka enda rambau PRU-15 ti disadang diatur enda lama agi.

Suara Sarawak