BAU: Bisi 305 iti surat pala tanah Seksyen 18 Kanun Tanah Nengeri (KTN) disuaka ngagai 272 iku peranak ari tiga buah kandang menua ba sitak Dun Tasik Biru, tad.

Sapit Premier Sarawak, Datuk Amar Awang Tengah Ali Hasan madahka tiga buah kandang menua tu iya nya Kampung Skibang (101 penerima), Kampung Senibung (78 penerima) enggau Kampung Barieng Singai (126 penerima).

TUAI DIPEBASA… Awang Tengah mangkung tawak kelai bejadika Pesta Tasik Biru 2022 ditu, tadi.

“Seagi bisi peminta ari peranak kandang menua nyukat tanah Hak Adat Bumiputera (NCR), perintah deka terus bejalaika pengawa nya ungkup mantu kita

“Nya alai, aku andalka kita semua enda deka ngambi jalai muntang nyual tanah tu sengapa, kemansangka tanah kita awakka ulih ngemanahka ekonomi kita,” ku iya.

Iya ke mega Menteri Pemansang Mengeri Enggau Pengeraja Asal Kedua bejaku munyi nya rambau bejadika Pesta Tasik Biru 2022 enggau Program Nyuaka Surat Pala Tanah Seksyen 18 KTN Sitak Dun Tasik Biru di tebing Tasik Biru ditu tadi.

Suara Sarawak