KUCHING: Lebih 600 buah genturung di serata Sarawak deka disambung enggau internet manggai taun 2024 ngena teknologi arus penyambung satelit.

Menteri Komunikasyen enggau Multimedia Malaysia (MCMC) Tan Sri Datuk Sri Panglima TPr Annuar Musa madah, kelimpah Sarawak kandang menua ti patut nerima arus penyambung satelit mungkur sekeda kadang menua pesisir di Sabah, Kelantan enggau Pahang.

KENANG BEREGA… Annuar begambar bebala mayuh enggau bala penerima Program Perantisiswa Malaysia Sebilik di IPG Kampus Batu Lintang ditu tadi.

“Semua kandang menua tu bisi 1,400 buah, enti nganti nyambung internet fiber optik, engka dalam 10 taun.

“Aku enda ngerunding rayat patut nganti timpuh ngelama nya, nya alai kitai ngaga pemutus di baruh Program Kaul Digital Menua (Jendela) Renggat 2 awakka 1,400 buah genturung tu disambung teknologi satelit nya lengkas,” ku iya.

Annuar bejaku munyi nya rambau aum pemberita pengudah nyuaka tablet ngagai penerima ba Program Perantisiswa Malaysia Sebilik di IPG Kampus Batu Lintang ditu tadi.

Suara Sarawak