MARUDI: Projek ngaga Jematan Marudi disadang ulih tembu ba timpuh 24 bulan pengudah nyiri kunteriktor baru ke mayuh peneleba.

Premier Sarawak, Datuk Patinggi Abang Johari Tun Openg madah, projek ngaga jematan nya nadai dikereja kenyau ari projek nya dipejalai ba taun 2019 ketegal servis kunteriktor nya diketu.

“Aku beratka pekara tu lalu nya kebuah aku enggau Datuk Amar Douglas Uggah Embas mesti mutarka penanggul ke nyadi ba jematan Marudi tu.

DIRUMBAN… Projek Ngaga Jematan Marudi ditimpuh tembu 24 bulan

“Nya kebuah, kami ngetuka kunteriktor ke dulu lalu nengah prosedur tu, kami nyiri kunteriktor baru ke bisi peneleba ngaga jematan Long Lama,” ku iya.

Abang Johari mansutka jaku nya lebuh ngatur pejalai ngabas seraya gawa ngagai Marudi di Balai Suarah Marudi, kemari.

Ku Abang Johari, kunteriktor baru udah meri jamin projek nya ulih ditembu ba timpuh 24 bulan.

Suara Sarawak