Penumbuh Tim Inovasyen enggau Kreatif nyaup ngemanah servis JTS Sarawak

KUCHING: Penumbuh Tim Inovasyen enggau Kreatif (KIK) mantu Opis Tanah enggau Survei (JTS) Sarawak dalam ngatur pekara inovasyen kreatif, ku Abdullah Julaihi.

Direktor JTS nya madahka, tim nya nyadi raban penyeruri dalam semua sukut JTS ti mungkur meri servis bekualiti enggau seruran nangkup peminta penguna, bakih kunsi enggau industri.

“Kerejasama sebuah tim ti tegap ulih ngeringka sida ti lemi, sida ti labuh nyadi tegap bediri, sida ti enda pechaya nyadi meri servis pengawa ti nyulut.

“Nya alai, beserimbai Hari Inovasyen enggau Integriti Tanah enggau Survei (HIITS) ti dipilih ba taun 2022 tu iya nya Inovasyen Nyapai Penyulut Meri Servis nyadika sambung ari taun siti nyin kemari ti ngena rambai jaku Transformasyen Servis nuju Aspirasyen 2030,” ku iya.

Iya bejaku munyi nya rambau Program Nangguhka HIITS 2022 di sebuah hotel ditu, ensana.

Tandu iya, ba panggau HIITS nya mega raban KIK diarika mayuh gred pemesai ari sukut bidang opis dipinta bekunsika inovasyen kreatif dalam ngemanahka servis ti relevan.

“Pekara tu laban prosedur lama ngasuh pengawa kitai lubah baka dalam ngaga pemutus ke alai pengelubah meri servis tu deka ditukar,” ku iya.

Rambau program nya, Premier Sarawak Datuk Patinggi Tan Sri Abang Johari Tun Openg bisi nyuaka setipikit aku pengawa ngagai 16 iku pemesai berintegriti enggau anugerah bukai seraya ngelancharka Bup Panduan Skim Strata ti diasilka JTS.

Suara Sarawak