Richart Riot agi ngetanka menalan?

KUCHING: Presiden Parti Sa’ati Rayat Sarawak (SUPP) Datuk Seri Prof Sim Kui Hian ngenuku ke Datuk Seri Richard Riot Jaem agi deka dikirai nyadi chalun ba Pengawa Bepilih Besai (PRU-15) tu ila.

Ku Sapit Premier Sarawak taja pia nadai madahka baikka Kaban Parlimen Serian nya agi ngetanka penuduk di Parlimen Serian tauka sitak bukai.

“Semua udah nemu Gempung Parti Sarawak (GPS) deka bediri ba semua 31 penuduk ke alai tujuh ari penuduk tu iya nya penuduk SUPP.

“Datuk Seri Richard Riot Jaem endang dichalunka baru ditangkan enam iku agi chalun baru,” ku iya.

Iya bejaku munyi nya lebuh ditanya pemberita pengudah bejadika Pengerami Kuih Bulan Kaunsil Kandang Menua Kuching Selatan (MBKS) di Kuching Park Garden ditu, ensana.

Kui Hian madahka SUPP enda ngeban Kaban Kunsil Nengeri (Adun) ari parti nya bediri ba renggat Parlimen rambau PRU15.

Suara Sarawak