KUCHING: Serakup Pengajar Sarawak (STU) nyukung penemu Presiden Kongres Serakup Pengereja Perintah (Cuepacs), Datuk Adnan Mat ngambi perintah meri bonus sebulan gaji ngagai pengereja opis perintah.

Presiden STU, Kullin Djayang madah, pekara nya endang patut diperatika perintah enggau engkeman laban udah lama bala pengereja opis perintah enda diberi bonus sebulan gaji.

Ku iya, pekara nya endang begunaka agih belanja ke besai tang perintah patut sinuka bala pengereja opis perintah ke nyadi tiang sukung kelebih agi bala pengajar.

Kullin Djayang

“Bonus sebulan gaji bala pengajar enti enda ulih dibayar penuh tekala nya patut dibayar berenggat bepelasarka tikas penatai pemisi perintah.

“Sebedau tu, bala pengajar semina nerima Bantu Belanja Khas (BKK) aja lalu ukai diberi bonus.

“Pengawa meri bonus ngagai bala pengajar tu endang patut dipejalai ngambi sida ransing agi ngereja pengawa kena ngangkatka tikas pelajar menua,” ku iya ba sebengkah penerang, tadi.

Suara Sarawak