KUCHING: Sarawak ngerikodka 424 kes positif baru Covid-19 ba minggu ti ke-41 ngujungka penyampau kumulatif kes positif Covid-19 nambah ngagai 316,544.

Komiti Penyangga Penusah Nengeri (JPBN) ba sebengkah penerang madahka 418 kes positif baru nya ba kategori 1 enggau 2 ke alai, enam kes ba kategori 3, 4 enggau 5.

Kes positif ti dirikod tu iya nya ba Kuching (172), Miri (50), Sibu (67), Bintulu (26), Sarikei (10), Samarahan (9), Bau (15), Mukah (17), Dalat (3), Lubok Antu (2), Serian (10), Marudi (1), Tanjung Manis (1), Sri Aman (8), Betong (1), Simunjan (4), Saratok (4), Maradong (2), Lundu (1), Julau (3), Lawas (2), Tatau (1), Selangau (2), Pakan (3), Kanowit (1), Subis (4), Kabong (1) enggau Belaga (1).

Taja pia, nadai kes pemati baru dirikodka ba minggu ke-41 enti dibanding minggu ke-40 ti ngerikodka siti kes pemati ba Miri.

Nya alai, JPBN ngelalau mensia mayuh seruran nyaga pengerai diri awakka ulih nagang pengerekai penyakit Covid-19.

Suara Sarawak