KUCHING: Bala pemberita diperansang bejalaika tanggungpengawa sida enggau beradat setipak enggau tanggungpengawa sida nyadi pelasar endur mensia mayuh betanya.

Ex-Chairman enggau Tuai Penengkebang Bernama, Datuk Yong Soo Heong madah, sida ukai semina nyendiaka berita ti bekualiti, betul sereta engkeman dikenataika ngagai mensia mayuh.

Ku Yong, chukup beguna bala pemberita ngembuan ulah ke bejimat ba pekara ke ditengkebang sida ngambika berita nya betul sereta mudah diperetika semua orang.

“Bala pemberita mega enda patut bepanggai ngagai bala editor aja ba pengawa nyeruri genap berita ke digaga sida.

Datuk Yong Soo Heong

“Pemberita mega mesti sikar ngiga pun penatai berita ti betul laban ubah dunya media rama kemaya hari enda sebaka enggau jeman kelia.

“Nya alai, tanggungpengawa bala pemberita ba pekara ngenataika berita ngagai mensia mayuh chukup beguna laban tebal agi sida nya arapka berita ti dikenataika nengah surat kabar sereta media rama perintah,” ku iya.

Iya mansutka pekara nya lebuh dirandau eksklusif begulai enggau pemberita ari Suara Sarawak ba Hotel Pullman kemari.

Ku iya, bala pemberita patut ngemeratka isi berita ti ditengkebang sida sereta suah bejaku enggau sida ke gawa ba bilik berita dikena nyeliahka penyarut penemu bekaul enggau berita ke ditengkebang sida.

Suara Sarawak