GPS seati ngulihka mandat rayat

KUCHING: Semua tuai dalam Gempung Parti Sarawak (GPS) deka bekerejasama nentuka parti nya bulih penyulut ba Pengawa Bepilih Besai Ke-15 (PRU-15) tu ila.

Tuai Indu Parti Rayat Sarawak (PRS), Datuk Sri Doris Sophia Brodie madahka sida lama udah sedia napi PRU-15 tu, bekau ari penyulut Pengawa Bepilih Besai Nengeri Ke-12 (PRN-12) bulan Disember taun nyin tadi.

“Kami udah seati dalam GPS, ngatur singkang enggau perambu baka sayap Indu Parti Pesaka Bumiputera Bersatu (PBB), Parti Sa’ati Rayat Sarawak (SUPP) enggau Parti Demokratik Progresif (PDP) awakka parti tu tegap.

“Baka kami ba PRS empu, naka ulih nempa penyulut ba penuduk sitak Sri Aman, Lubok Antu, Julau, Kanowit, Hulu Rejang enggau Selangau ba pengawa bepilih sekali tu,” terang iya.

 

Suara Sarawak