KUCHING: Program Beperesa Pengerai diatur ba Sekula Primari Bansa (SJK) Chung Hua No.4 chukup manah kelebih agi ungkup komuniti ti diau ba sitak Satok.

Kaban Kunsil Nengeri (Adun) Satok, Datuk Ibrahim Baki madahka pengawa beperesa pengerai beguna amat laban ulih nentuka sida nemu tikas pengerai diri empu.

BEBASAKA ADAT… Ibrahim Baki enggau Kaunsilor Hilmy Othman ngemataka pengawa ngelumai teh asal China, ditu pagi tadi. GAMBAR RAMIDI SUBARI

“Kita ti datai beperesa pengerai sehari tu chukup manah laban enti kita nemu diri gerai, dia kita deka regas enggau runding lantang.

“Nya alai aku deka ngelalau mensia mayuh seruran beperesa pengerai enggau makai ubat enti sema ngasaika enda nyamai isi tauka tabin,” ku iya.

Ibrahim Baki mansutka jaku nya lebuh ngulu Program Beperesa Pengerai enggau Nyuaka Pemeri ngagai ruang bilik seranta ba SJK Chung Hua No.4, Jalan Nanas ditu tadi.

Sepenyampau 200 tungkus pemeri udah disadung Komiti Pemansang enggau Pengelikun Genturung Pendiau Kampung (JKKK) Green Road A – 18 ngagai bala penerima ke alai pengawa dipenyadika Ibrahim Baki empu.

Suara Sarawak