PAKAN: Peranak di Kapit diperansang ngerebut peluang bebelika barang enggau rega ke jauh mudah beserimbai enggau Program Bejual Murah Malaysia Sebilik (JMKM).

Program ti diatur Opis Menteri Dagang Dalam Menua enggau Pekara Penguna (KPDNHEP) Pampang Kapit enggau kerejasama Kitai Mart ba Jalai Bleteh berengkah diatur 30 enggau 31 Oktober tu.

BARANG MURAH… Entara rintai program ungkup peranak di Kapit.

Ba program pengelama dua hari nya, bala penguna deka bebelika barang lalu diberi diskaun nyentuk 20 peratus.

Program tu entara inisiatif perintah dikena mantu Malaysia Sebilik dikena ngelempung tating pengidup.

Nambahka nya, program tu deka dipenyadi Sapit Menteri ba Opis Premier Sarawak (Undang-Undang enggau Adat Bumiputera), Jefferson Jamit Unyat.

Barang sapa ke deka nemu penerang silik tauka tanya bukai pasal JMKM tau meda nengah Facebook rasmi JMKM Malaysia Sebilik tauka KPDNHEP.

Suara Sarawak