KUCHING: Sarawak nadai kuasa nagang tambang bilun niki ngenyit pengudah haribulan ngundi ba Pengawa Bepilih Besai Ke-15 (PRU-15) dibantai.

Sapit Premier Sarawak, Datuk Seri Dr Sim Kui Hian madah, kebuah pia laban b kompeni penerebai bilun ba menua tu diempu raban peribit.

ARAP RAYAT NEMU… Dr Sim nerang pasal rega tambang bilun ti niki ngenyit lebuh dirandau media.

“Reti utai ku aku, Sarawak nadai ngembuan kompeni penerebai bilun kediri empu lalu semua kompeni penerebai bilun ba Malaysia nya endang diempu kompeni peribit.

“Pekara ti nyadi tanya diatu, nama kebuah kompeni nya nikika tikas tambang lebuh rayat kitai deka pulai bejalaika tanggungpengawa ngagai menua,” ku iya.

Presiden Parti Sa’ati Rayat Sarawak (SUPP) bejakuka pekara nya lebuh dirandau media pengudah bejadika Lampu Berias serimbai enggau Deepavali ba Tugu Mayau Burak, Jalai Padungan malam tadi.

Suara Sarawak