KUCHING: Tim Pasific West Dragon Club dipadu nyadi champion Regata Lumba Perau Naga Entarabansa 2022.

Tim nya menggi gelar champion pengudah mujur ngalahka tim Boneka Paddlers Team B ba kategori besai premier nasional tebuka 20′ (International Premier Open 20′).

KAMI MENANG… Tim Pasific West Dragon Club begambar ungkup kenang pengudah dipadu ngempu gelar champion ba Pekit Lumba Perau Naga Entarabansa 2022.

Bebida 0.09 sikin ari tim Brunei enggau rikod seminit 10.07 sikin ngujungka tim ari Malaysia nya keterubah iya menggi gelar champion Regata di Sarawak.

Taja pia, tim ari Indonesia (Kapuas Hulu) bulih lumur dua enggau rikod seminit 10.17 sikit kelimpah diberi penalti sesikin laban ngayuh perau sebedau wisel bemunyi.

Tim Landas ari Sarawak semina bulih lumur empat enggau rikod seminit 10.69 sikin.

Suara Sarawak