KUCHING: Penyandang Parlimen Santubong Datuk Seri Wan Junaidi Tuanku Jaafar udah mantaika pengingin ati enda bediri minta pilih rambau Pengawa Bepilih Besai Ke-15 (PRU-15).

Pekara nya udah dikenukuka Chairman Gempung Parti Sarawak (GPS) Datuk Patinggi Tan Sri Abang Johari Tun Openg.

“Iya (Wan Junaidi) empu deka baka nya laban iya madahka diri udah manggai umur 77 taun, nya endang amai.

NERANG… Abang Johari diapit Fatimah (kiba) enggau Uggah lebuh mantaika pengingin ati Wan Junaidi enda ngetanka penuduk iya

“Iya bisi pengawa bukai deka diadu, tang iya deka meri lalau ngagai kitai ari sukut undang-undang,” ku iya.

Abang Johari bejaku munyi nya ba aum pemberita Ngelancharka Raban Indu GPS di Palan Aum Penview (PCC) ditu tadi.

Sebedau tu, sekeda berita bisi madahka Wan Junaidi enda bediri minta pilih maya PRU-15 tu laban deka meri awak ngagai orang biak dalam GPS.

Suara Sarawak