Datuk Roland Sagah Wee Inn

KUCHING: Bisi 363 sekula repuk serata Sarawak udah tembu diseleti pengawa nyeleti 600 sekula da benung chakah dipejalai diatu.

Menteri Pelajar, Inovasyen Enggau Pemansang Penau, Datuk Roland Sagah Wee Inn madah, Opis Kereja Raya (JKR) benung bejalaika pengawa sida ba 600 buah sekula nya.

MUTAR ISU PENGAJAR… Roland diapit sapit iya, Datuk Dr Annuar Rapaee (kiba) enggau Datuk Francis Harden Hollis meda bup jurai ari opis menteri iya. GAMBAR ALIF NONI

Ku iya, bisi sekula nya benung diseleti enggau digaga baru lalu sekeda ba renggat dilangkar.

“Bisi sekula repuk ti deka diseleti bedau ditinda laban JKR agi berundingka sekeda perengkaguna bukai kelimpah pekara birokratik.

“Sekeda pekara diperunding nyengkaum milih taba ti engkeman mindahka sekula ti suah dituntung penusah bah,” terang iya.

Roland bejaku munyi nya ba aum pemberita pengudah nyimpul jurai opis menteri rambau Aum Ketiga Penggal Keterubah Kunsil Nengeri (Dun) Sarawak Ke-19 di Dun Sarawak ditu tadi.

Suara Sarawak