SARATOK: Datuk Ali Biju ukai semina mujur ngetanka penuduk Parlimen Saratok tang udah nempa pemujur menang enggau majoriti besai sepenyampau 8,826 undi ba Pengawa Bepilih Besai Ke-15 (PRU-15).

Iya ti bediri ngena lambang Perikatan Nasional (PN) menang enggau undi penyampau 19,223 ngalahka chalun Gempung Parti Sarawak (GPS), Giendam Jonathan Tait (10,397) enggau Ibil Jaya ari Pakatan Harapan (1,221).

Ke penerang, sitak Parlimen Saratok bisi 44,531 pengundi rejister ke alai sida ti udah bejalaika tanggungpengawa ngundi bisi 30,841 tauka 69.26 peratus.

Penuduk Parlimen Saratok entara nalan angat ba PRU-15 ti diperebut tiga chalun endang peranak asal Saratok empu.

Suara Sarawak