MINTA PENGAWA MUJUR… Aaron enggau bala bukai benung miring.

KANOWIT: Chalun Gempung Parti Sarawak (GPS) ba Parlimen Kanowit, Datuk Aaron Ago Dagang ngarapka rayat sitak nya meri peluang lima taun da ngagai iya nyadi Kaban Parlimen Kanowit.

Iya madah, peluang nya beguna amat nentuka langgur enggau pengawa pemansang terus dipejalai enggau lurus ungkup rayat dia.

“Sitak Kanowit agi tubah begunaka perengkaguna pemun ti meruan dikena nyungkak pemansang ekonomi enggau tikas idup rayat.

“Nya kebuah aku minta kita ti udah rejister nyadi pengundi sampal nurun ngundi kena 19 November tu ungkup pemansang Konowit jemah,” ku iya meransang.

Ago nibarka jaku peransang nya lebuh bejaku ba Program Randau Begulai Enggau Peranak Nanga Ngemah enggau Majau ba Bilik Ngatur Pengawa Chalon GPS Kanowit kemari.

Iya nyemetak madah, rayat dia patut milih chalun GPS ti udah ditemu ulih mai sada sida nyarih didinga ba renggat nasional tauka Kabinet Perintah Besai. – EDISI UKAS

Suara Sarawak