KUCHING: Yang di-Pertuan Agong deka minta sanding penemu Raja-Raja Melayu dikena ngaga pemutus nyiri Menteri Besai.

Datuk Pengelola Bijaya Diraja Istana Negara, Dato Seri Ahmad Fadil Shamsuddin madahka Yang di-Pertuan Agong udah ngemendarka Istana Negara ngatur sebengkah Randau Khas Raja-Raja Melayu dia pagila.

“Randu Khas Raja-Raja Melayu tu meri awak ngagai Seri Paduka Baginda minta sanding penemu Raja-Raja Melayu dikena iya ngaga pemutus ungkup pengelantang menua enggau rayat,” ku iya ba sebengkah penerang tadi.

Nya alai ku iya, Yang di-Pertuan Agong minta semua rayat enggau semua raban sabar dataika pengawa numbuhka perintah baru pukas.

“Pengelantang menua dudi hari kelalu berega lalu endang patut kitai ngatur enggau bejimat sereta silik.

“Rayat udah ngaga pemutus pengari sida, nya alai bepanggai ba pengari rayat ngiga jalai mutarka ‘penyarut’ ti ngasuh rayat ngelu pala tu,” ku iya.

Suara Sarawak