ANWAR IBRAHIM

KUALA LUMPUR: Yang di-Pertuan Agong Al-Sultan Abdullah Ri’ayatuddin Al-Mustafa Billah Shah sehari tu udah nyiri Kaban Parlimen Tambun, Datuk Seri Anwar Ibrahim nyadi Menteri Besai Malaysia Ke-10.

Datuk Pengelola Bijaya Diraja Istana Negara Datuk Seri Ahmad Fadil Shamsuddin ba sebengkah penerang madah, Chairman Pakatan Harapan (PH) nya dichiri seriris enggau Perkara 40(2)(a) enggau Perkara 43(2)(a) Perlembagaan Persekutuan.

Ku Ahmad Fadil, pemutus nya digaga pengudah Agong beratika sanding penemu Raja-Raja Melayu ti udah datai ba Randau Khas Raja-raja Melayu di Istana Negara tadi ngambi ngaga pemutus pemadu manah ungkup pengelikun enggau pengelantang rayat.

Pengawa nyuaka Surat Dichiri enggau Angkat Sumpah Pangku Pengawa sereta Sumpah Simpan Rahsia nyadi Menteri Besai deka diatur pukul 5 lemai tu.

Suara Sarawak