KUCHING: Raban nembiak kelebih agi ti beumur 18 taun apin bisi dipeda bejalaika tanggungpengawa sida ngundi kenyau ari pagi tadi.

Tinjau Suara Sarawak ba palan ngundi Sekula Primari (SK) Song Kheng Hai enggau Sekula Primari Bansa China (SJKC) Stampin semina meda orang tuai enggau orang besai tuai aja ti datai ngundi.

Gaya palan nya sunyi ari pukul 7.30 pagi tang bala pengundi majak mayuh datai urung pukul 9 pagi tadi.

AGI GAGIT NGUNDI… Siku orang tuai, Kho Kian Thai, 83 benung dibai pengereja pengawa SPR tama ngagai palan ngundi seraya diuluka bini iya Lee Hong Kiew, 75 ba SK)Song Kheng Hai pagi tadi.

Pengundi ba kandang menua Kuching nitihka jaku lalau Pengereja Pengawa Komiti Besai Pengawa Bepilih (SPR) lebuh tama ngagai palan ngundi enggau ngena sengkabung mua.

Pengawa ngundi bejalai lanchar kelimpah gaya hari ti manah pagi tu.

Suara Sarawak