KUCHING: Aum Ketiga Penggal Keterubah Kunsil Nengeri (Dun) Sarawak Ke-19 diinsur sehari ngagai 1 Disember 2022 ketegal kemisi hari besai kena 28 November 2022, Hari Satu ti deka datai.

Sekretari Dun Sarawak, Pale Peter Tinggom madah, Aum Dun deka ditanguh kena 28 November tu berindik ari gerah ari Menteri Besai Malaysia Ke-10 Datuk Seri Anwar Ibrahim kena malam Hari Empat tu tadi.

Ku iya, pekara nya seriris enggau ‘Peraturan Mesyuarat 6(2) Peraturan-Peraturan Mesyuarat Dewan Undangan Negeri Sarawak’ ti madah ‘… bahawa tidak mudah bagi Dewan bermesyuarat pada tarikh yang ditetapkan…’ iya nya kena 28 November 2022.

Nya kebuah ku iya, Aum Dun deka ditampung baru berengkah ari 29 November nyentuk 1 Disember 2022.

Dulu ari nya, Opis Premier Sarawak mega udah ngaga pemutus lalu ngaku Hari Satu, 28 November 2022 nyadi hari diau tauka kemisi hari besai.

Suara Sarawak