KUCHING: Aum Ketiga Penggal Keterubah Kunsil Nengeri (Dun) Sarawak Ke-19 berengkah diatur sehari tu.

Speaker Dun Sarawak Tan Sri Datuk Amar Mohamad Asfia Awang Nassar madah, aum tu diatur pengelama lapan hari aja, berengkah sehari tu nyentuk 30 November.

“Bisi enam rang undang-undang deka dibantaika bala menteri ba aum tu.

NERANG… Asfia bejaku ba aum pemberita di Indu Opis Parti Pesaka Bumiputera Bersatu (PBB) di Jalai Bako ditu, kemari.

“Rang undang-undang tu iya nya, RUU Perbekalan (2023) / 2022, RUU Aktiviti Elektronik Perintah Sarawak (2022), RUU Konstitusyen Perintah Sarawak (Ubah) (No.2) 2022, RUU Kaunsil Turu Pengaya Pesaka Sarawak 2022, RUU Kaunsil Pemansang Industri Kayu Ramu Sarawak (Ubah) 2022 enggau RUU Veterinar Pengerai Mensia Mayuh (Ubah) 2022,” ku iya.

Asfia mansutka jaku nya ba aum pemberita ba Indu Opis Parti Pesaka Bumiputera Bersatu (PBB) di Jalai Bako ditu, kemari.

Nangkan nya ku iya, atur aum sehari tu semina diatur muak ke pagi lalu tujuh hari ke bukai nya deka diatur baka selama.

Ku iya, aum saut tanya deka diatur pengelama empat hari berengkah Hari Dua nyentuk Hari Lima tu.

Suara Sarawak