DIKENA nyamin pengelantang rayat, Perintah Sarawak bejalaika inisiatif Program Projek Nyeleti Rumah Rayat Seranta Sarawak (PPRMS).

Program dipun dalam taun 2018 nya mujur nyeleti beribu rumah raban diselinting ngambi sida bisi endur diau ti likun enggau lantang agi.

Komiti genturung pendiau ngatur pengawa beripai ngemujurka program nyati ngena ungkus entara RM5,000 ngagai RM10,000 nitihka pematut ke alai belanja nyeleti ulih dikelimat.

Ukai semina nya aja, Perintah Sarawak mega bisi nyendiaka bantu nengah Skim Jali Ngentak Rumah Panjai (SPPRP) ti meri peluang ngagai peranak dia ngentak rumah panjai baru.

Skim nya udah meri pengelantang ngagai peranak rumah panjai ke alai genap pintu bilik deka nerima jali RM30,000 nyentuk RM840,000 nitihka pemanjai rumah.

Inisiatif nya udah dipun ba Rumah Jelia di Tatau ti bisi 15 pintu bilik ke alai sida nerima RM30,000 sepintu seraya Rumah Tedung pemanjai 28 pintu enggau jali penyampau RM840,000.

Ba Sibu, 51 pintu bilik ari tiga buah rumah panjai iya nya Rumah Das, Rumah Penshie enggau Rumah Narang mega ampit jali RM30,000 sepintu.

Sida ti nerima jali ngentak rumah panjai baru nya ila semina deka mayar RM100 sebulan dalam timpuh 25 taun.

Suara Sarawak