PANTU: Peranak di Kampung Tuba, sebuah genturung pendiau menua pesisir bagi Parlimen Sri Aman enda tinggal bejalaika tanggungpengawa ngundi.

Peranak di kandang menua nya berengkah bebaris urung pukul 8 pagi tadi ke alai palan ngundi nya deka ditutup urung pukul 4 lemai lagi.

NGUNDI… Empat diri menyadi, ari kiba Jelani Silong, Bantin Silong, Saba Silong enggau Fenny Silong bejalaika tanggungpengawa ngundi di SK Tuba ba Parlimen Sri Aman pagi tadi.

Parlimen Sri Aman bepadan empat penjuru entara penyandang Datuk Masir Kujat (Independen), Datuk Sri Doris Sophia Brodie ari Gempung Parti Sarawak (GPS), Wilson Entabang ari Parti Sarawak Bersatu (PSB) enggau Tay Wei Wei ari Pakatan Harapan (PH).

Nitihka rikod ari Komiti Besai Pengawa Bepilih (SPR), Parlimen Sri Aman bisi 50,164 iku pengundi berejister.

Suara Sarawak