DATUK SERI FADILLAH YUSOF

KUCHING: Datuk Seri Fadillah Yusof nerima manah perambu deka ngaku 18 November tu nyadi hari kemisi dikena ngemuntangka rayat nurun ngundi.

Penyandang penuduk Parlimen Petra Jaya nya madahka nya pekara ti manah lalu bepanggai ngagai Perintah Besai.

“Enti 18 November tu dikemendar, tu deka ngemuntangka rayat nurun ngundi maya Pengawa Bepilih Besai Ke-15 (PRU-15) kena 19 November tu,” ku iya.

Fadillah mansutka jaku nya lebuh dirandau pemberita pengudah program ngabas rayat ba Jalai Nanas, ditu ensanus.

“Taja pia, kitai patut belematika pekara nya laban bisi sekeda serikat meri kemisi ngagai pengereja pengawa nya deka napi pengerugi laban mayar gaji gawa lebih jam enggau ke bukai.

“Nya alai, pekara nya patut diperati enggau silik. Taja pia, aku endang nyukung pengawa meri kemisi tu,” ku iya.

Suara Sarawak