LAWAS: Peranak Lawas deka bisi sebuah jalai raya besai nyambung Limbang enggau Lawas.

Premier Sarawak Datuk Patinggi Tan Sri Abang Johari Tun Openg madahka jalai raya baka nya kala dipeda iya ba Cape Town South Afrika.

“Enggi kitai jauh manah laban bisi bukit. Belanja tu besai, enam ke tujuh taun ulih digaga, tang enda ulih tekala nya,” ku iya ti mega Chairman Gempung Parti Sarawak (GPS).

TIBAR PEMANSANG… Abang Johari bejaku rambau bejadika Program Sarawakku Sayang di Long Tuma, Lawas ditu tadi.

Abang Johari madah, jalai raya nya ila deka besambung ngagai Brunei lalu terus ke Miri, lalu ari Miri jalai raya tu deka besambung ke Marudi, Long Terawan nuju Bukit Buda enggau Limbang.

“Reti iya kitai bisi dua bengkah jalai, semua tu agi dalam perambu, asuh meh Henry Sum (Penyandang Parlimen Lawas ti mega chalun GPS ba Parlimen Lawas) menang dulu,” ku iya.

Abang Johari bejaku munyi nya lebuh bejadika Program Sarawakku Sayang di Long Tuma, Lawas ditu tadi.

Suara Sarawak