Phoebe Chloe datai enggau lagu baru diberi nama Lelang Pengerindu

Penanyi tebilang nyadaka lagu Nuan Limpang Muai Penepan, Phoebe Chloe mujur ngeluarka lagu baru diberi nama Lelang Pengerindu.

Lagu ti ditengkebang Michael Mering nya dipansutka ba baruh perabung Panggau Buluh Pengerindu (PBP) kena 11 November tu tadi nengah channel Youtube.

Naka diatu, dalam timpuh dua minggu aja, lagu Lelang Pengerindu udah dipeda urung 86,000 iku.

Ku Phoebe Chloe, lagu nya ngenang kaul dua iku ti puntan ba tengah jalai taja pen indu nya beambis ati meri penyayau enggau pengerindu tuchi ngagai sulu iya tang laki nya tetap milih jalai beserara.

Nya alai, anang enda ningaka lagu baru ari Phoebe Chloe ba channel Youtube Panggau Buluh Pengerindu (PBP).

Suara Sarawak