MURUM: Bisi lima buah gerija ditu nerima agih belanja RM350,000 ari Unit Pekara Jalai Pengarap Bukai (Unifor).

Adun Murum, Kennedy Chukpai Ugon ngarika lima buah gerija nya udah nerima agih belanja nya, ensanus.

Agih belanja ari Unifor ungkup taun 2022 Renggat Kedua tu udah disuaka Direktor Unifor, Richard Lon.

NGINTU PENGELANTANG…Richard Lon (dua kiba) nyuaka agih belanja RM350,000 ari Unifor ngagai Chukpai (dua kanan).

Lima gerija nya baka Gerija St. Mathew Uma Nyaving, Sungai Asap, Gerija St. John Uma Balui Liko, Sungai Asap, Gerija BEM Kelompok Bakung Batu 20, Belaga, Gerija BEM Long Pelesit, Tubau sereta gerija enggau rumah Pastor BEM Uma Balui Ukap.

Nya alai, Chukpai beterima kasih ngagai Perintah Sarawak laban nengah Unifor udah ngagihka belanja ngagai gerija ba Murum.

Suara Sarawak