KUCHING: Raban Gerempung Bini Menteri Sarawak (Sabati) dipinta nguna teknologi digital lebuh ngatur sereta meri penerang ngagai mensia mayuh kelebih agi pengudah bisi Wisma Sabati baru.

Premier Sarawak Datuk Patinggi Tan Sri Abang Johari Tun Openg madah, diatu SPayGlobal udah nyadi pelasar pemadu besai ungkup dagang nyengkaum kaul dagang entara Perintah Sarawak enggau sektor peribit.

“Nya alai, raban Sabati mesti nguna servis tali arus tauka e-dompet maya bejalaika pengawa baka muka kafeteria tauka galeri.

Abang Johari Tun Openg

“Aku merambu nyendiaka palan wifi, laban diatu Sarawak nyendiaka Wifi Saluran nengah Terminal Aperture ti mit (VSAT),” ku iya.

Abang Johari mansutka jaku nya lebuh bejadika Wisma Sabati enggau Ngintu 40 Taun Sabati ba Wisma Sabati Jalai Diplomatik ditu, malam kemari.

Suara Sarawak