KUCHING: Chairman Perikatan Nasional (PN), Tan Sri Muhyiddin Yassin ngatur randau begulai enggau Chairman Gempung Parti Sarawak (GPS), Datuk Patinggi Tan Sri Abang Johari Tun Openg tadi.

Randau nya mega digulu Presiden Pas, Tan Sri Abdul Hadi Awang enggau tuju ngatur kerejasama entara parti politik numbuhka Perintah Besai.

Muhyiddin madahka pasal randau nya nengah penerang dikunsi ba Twitter iya sehari tu.

NGATUR SINGKANG… Abang Johari ngelawa rumah Muhyiddin ngambika berandau pasal pengawa numbuhka Perintah Besai tadi.

Nitihka penerang, randau entara chalun Menteri Besai PN nya enggau Abang Johari ti mega Premier Sarawak diatur ba rumah Muhyiddin empu.

“Pagi tu aku nerima penatai Premier Sarawak, Tan Sri Abang Johari Abang Openg, enggau Presiden Pas, Tan Sri Abdul Hadi Awang ngambi berandauka pengawa numbuhka Perintah Besai.

“Randau mega benung diatur enggau parti bukai ti selubang penemu enggau kaban Parlimen Independent. Arapka Perintah Besai ulih ditumbuh enda lama agi,” ku iya.

Suara Sarawak