KAKUS: Palan Ngundi Kulau Belungai ba sitak Dun Kakus dipegai Parlimen Selangau berengkah dibuka pukul 7.30 pagi tadi.

Tebal agi rayat tauka bala pengundi ditu datai tumu bejalaika tanggungpengawa sida ba Pengawa Bepilih Besai Ke-15 (PRU-15) sehari tu.

HAK MILIH PENGARI… Siku pengundi nepu keretas undi ke dalam peti undi ba Palan Ngundi Kulau Belungai ditu pagi tadi.

Ungkup rikod Komiti Besai Pengawa Bepilih (SPR), palan ngundi dia bisi 581 iku pengundi rejister lalu pengawa disadang tembu tumu ari sukung enggau kerejasama manah bala pengundi dia.

Gaya hari dia kenyau ari pagi tadi mega manah lalu nya ngemuntangka pengawa bala pengundi nurun tumu ngagai palan ngundi.

Penuduk Parlimen Selangau bepadan tiga penjuru entara chalun Gempung Parti Sarawak (GPS), Edwin Banta, Pakatan Harapan (PH) diarika Umpang Sabang enggau chalun Independent, Henry Joseph Usau.

Suara Sarawak