Abang Johari Tun Openg

KELIMPAH ngerandang ekonomi baru nipakka utai ke nyadi ba dunya, Perintah Sarawak udah ngerandang ekonomi digital ti udah meri penguntung ngagai raban pedagang lebih agi lebuh pandemik Covid-19.

Pengerekai Covid-19 balat diasaika mensia ba serata dunya ketegal kitai enda ulih ngereja pengawa baka selama lalu dekaka kitai ngubah gaya idup lebih agi chara digital.

Pemansang ekonomi digital tu nyata meri pengelebih ngagai rayat Sarawak lebih agi ngagai pedagang pengudah kitai ngalih ngagai dagang digital.

Tambah mega, Sarawak mujur nyungkak pemansang ekonomi sekumbang bejalaika agenda ekonomi digital ba taun 2018.

Premier Sarawak, Datuk Patinggi Tan Sri Abang Johari Tun Datuk Abang Openg madah, nya nyengkaum sektor betanam betupi, industri sawit, e-dagang, perintah digital, mengeri pintar enggau ke bukai.

Iya madahka Perintah Sarawak udah numbuhka Kaunsil Multimedia Sarawak (SMA) ba taun 2018 dikena bejalaika agenda nya.

Ku iya, Perintah Sarawak udah numbuhka SMA di baruh Ordinan Pihak Berkuasa

Multimedia Sarawak 2017 ngambi nyadi raban matau pemansang, komunikasyen, multimedia enggau digital ba ekonomi menua.

Suara Sarawak