KUCHING: Palan Ngundi Sekula Primari (SK) Merpati Jepang richah enggau penatai Premier Sarawak, Datuk Patinggi Tan Seri Abang Johari Tun Openg ti datai ngundi dia ba Pengawa Bepilih Besai Ke-15 (PRU-15) sehari tu.

Abang Johari enggau bini iya, Puan Seri Datuk Amar Juma’ani Tuanku Bujang tembu ngundi ba endur satu pukul 9.29 pagi.

Bisi enam endur ngundi disediaka Komiti Besai Pengawa Bepilih (SPR) ngambi pengawa ngundi bejalai lanchar.

SAMA GAGIT NGUNDI… Abang Johari (tengah) enggau bini iya (dua kiba) ngundi. Sama dia Fadillah (dua kanan).

“Aku ngelalau pengundi nurun ngundi lebuh hari benung manah baka tu dikenaka bejalaika tanggungpengawa diri ba PRU tu.

“Ba Sarawak ditu, penyerakup kitai teguh lalu aku pechaya rayat ngembuan pemutus. Aku ngarapka menua kitai lantang lalu perintah kitai tegap pengudah pengawa bepilih tu ila,” ku iya lebuh dirandau pemberita.

Dulu ari nya, Abang Johari enggau bini iya datai ba palan ngundi urung pukul 9.20 pagi.

Iya ti mega Chairman Gempung Parti Sarawak (GPS) bisi limpang ngerandau pengundi sebedau tama ngagai palan ngundi.

Sama datai chalun GPS Parlimen Petra Jaya, Datuk Seri Fadillah Yusof.

Suara Sarawak