SIBU: Penerebai entarabansa terus Sibu- Singapore-Sibu ari Airasia ti keterubah berengkah 16 Disember tu.

Adun Bukit Assek Chieng Jin Ek madah, penerebai terus tu nentuka Sibu ulih ngelawa menua luar bukai.

Ku iya, pekara nya udah dipadahka Opis Dagang enggau Dagang Temuai Sarawak di Singapore (Statos), ditu ensanus.

TU IYA… Chieng nunjukka tikit bilun Sibu-Singapura-Sibu ti udah dibeli iya.

“Tu endang berita ke chukup manah ngagai peranak Sibu. Kitai udah lama nganti berita tu lalu aku mega udah mantaika pekara tu lebuh Aum Dun enggau Menteri Perengka Pengangkut, Datuk Seri Lee Kim Shin.

“Diatu pekara nya berengkah dipejalai lalu peranak Sibu ulih meli tikit bilun ari Singapore lalu ukai ba Kuala Lumpur aja,” ku iya.

Chieng mansutka jaku pasal penerebai entarabansa nya ba aum pemberita.

Suara Sarawak