KANOWIT: Chalun Gempung Parti Politik (GPS) Parlimen Kanowit, Datuk Aaron Ago Dagang bejalaika tanggungpengawa ba Palan Ngundi Sekula Primari (SK) Ulu Bawan pagi tadi nyerumba Pengawa Bepilih Besai ke-15 (PRU-15).

Iya ti disempulang bini iya, Datin Ping Bungan datai ba palan ngundi pukul 8.37 pagi lalu ngundi ba endur satu (1).

Mensia mayuh mega dipeda nurun ngundi tumu pagi tadi ketegal gaya hari ti manah.

SERETAI NURUN… Aaron enggau bini iya udah bejalaika pengawa diri ngundi ba SK Ulu Bawan.

Seraya Kaban Kaunsil Nengeri (Adun) Ngemah, Anyi Jana nurun ngundi ba Palan Ngundi SK Nanga Ngungun. Iya datai dia pukul 9.40 pagi lalu ngundi ba endur 2.

Nitih penerang, bisi 2,089 pengundi rejister ngundi dia sereta lima endur ngundi disedia.

Pemanah gaya hari ba SK Nanga Ngungun pagi tadi meransang mensia mayuh tumu nurun ngundi.

Suara Sarawak