MERI PERANSANG… Nanta minta rayat nyukung parti politik enggau chalun ti ulih gawaka sida.

KAPIT: Rayat mesti pintar milih parti politik enggau pengari ti ulih ngesan tanggungpengawa ngagai rayat.

Menteri Dagang Dalam Menua enggau Pekara Penguna Malaysia, Datuk Sri Alexander Nanta Linggi madah, pengari dipilih nya ila orang ti deka ngemansang enggau meri penyenang ngagai rayat.

Ku iya, perintah udah ngagihka mayuh bantu ngelempungka tating belanja rayat nyengkaum subsidi enggau projek pemansang ba Sarawak.

“Ambika chunto, RM1.5 bilion ringgit udah diagih perintah dikena meri subsidi rega manuk.

“Tu siti ari inisiatif dipejalaika perintah ngelempungka tating belanja rayat ari sukut bekal pemakai.

“Perintah mega nyendiaka mayuh subsidi ba barang diguna bukai baka minyak makai, gula telu enggau ke bukai,” terang iya.

Nanta nerangka inisiatif perintah nya ba mua mayuh rambau Program Tuai Begulai Enggau Rayat ba Rumah John Ramba, Sungai Sesibau, Kapit ensanus. – UKAS

Suara Sarawak