PAKAN: Parti Bansa Dayak Sarawak (PBDS) bebasaka pemutus barang sapa dipadu nyadi Menteri Besai Malaysia Ke-10 nitihka chara demokrasi.

Presiden parti tu, Bobby William ba sebengkah penerang media madah, nadai milih sapa ti dipadu mangku pengawa ngetuaika menua nya ila mesti nyaga enggau beratika peminta raban bansa Dayak.

“Kami andalka Menteri Besai baru bisi penyiru enggau berundingka sada peminta raban bansa Dayak ba menua tu.

Bobby William

“Kitai dekaka iya ngaduka pengawa pemansang ti meri pengelantang mungkur semua bansa, anang sesekali bechiping nyengkaum ari suku ekonomi enggau pekara rama,” ku iya.

Bobby nyemetak madah, PBDS meri sukung ngagai Pakatan Harapan (PH) diangkat nyadi Perintah Besai bepelasarka pemayuh penuduk enggau nitihka Konstitusyen Malaysia.

“PH bisi hak numbuhka perintah laban mujur teulihka mayuh penuduk ba Pengawa Bepilih Besai Ke-15 (PRU-15) tu tadi,” terang iya.

Suara Sarawak