KABONG: Premier Sarawak Datuk Patinggi Tan Sri Abang Johari Tun Openg minta ngambika projek pemansang ti udah dikemendarka iya ba Kabong dipejalaika enggau jampat.

Pekara tu berindik ari balai mensia mayuh beungkus RM5 juta ti dikemendarka iya taun siti nyin kemari ti lalu bedau tembu digaga.

TUAI TI KEMERAH… Abang Johari betabi enggau bala ti bisi datai ba Program Tuai Begulai enggau Rayat di Palan Bedaja Kabong ditu, kemari.

“Aku mai Sekretari Perintah Sarawak Datuk Amar Mohamad Abu Bakar Marzuki, Direktor Opis Kereja Raya, Direktor Opis Tanah enggau Survei, Direktor Opis Parit enggau Entali Ai enggau Direktor Opis Bekal Ai Menua Pesisir datai kitu laban aku deka meda projek ti udah dikemandar aku suba udah datai tikas ni.

“Pagi ila, sida deka baum enggau aku, nama kebuah balai mensia mayuh nya laun amat tembu? Baru RM5 juta aja ga nya,” ku iya.

KENANG… Abang Johari (duduk tengah) begambar enggau bala ti bisi datai ba Program Tuai Begulai enggau Rayat di Palan Bedaja Kabong ditu, kemari.

Abang Johari bejaku munyi nya ba Program Tuai Begulai enggau Rayat di Palan Bedaja Kabong ditu, kemari.

Suara Sarawak