KUCHING: Bungkur penuh bekal kuasa karan 24 jam serata Sarawak deka ulih dijapai manggai taun 2025 laban naka diatu udah manggai 97.1 peratus.

Menteri Utiliti enggau Telekomunikasyen, Datuk Julaihi Narawi madahka sida andal deka nyapai juluk nya kandang tiga taun agi.

“Perintah Sarawak udah ngagihka RM2.37 bilion ba taun 2019 dikena ngerumban projek nyambung kuasa karan menua pesisir nengah Projek Rayat.

“Kenyau ari nya, bisi 23,319 ruang bilik udah nerima bekal kuasa karan 24 jam nyentuk suku ketiga taun 2022,” ku iya.

Julaihi bejaku munyi nya lebuh nyimpul jurai opis menteri rambau Aum Ketiga Penggal Keterubah Kunsil Nengeri (Dun) Sarawak Ke-19 di Dun Sarawak ditu tadi.

Ku iya, nya nyadi pekara ti narit rayat ba menua tu ngentak rumah baru laban deka bulih bekal kuasa karan 24 jam.

Suara Sarawak