KUCHING: Sarawak merambu numbuhka Terminal Agro Pemakai ba sitak pemansut asil betanam betupi besai.

Menteri Industri Pemakai, Komoditi enggau Pemansang Kandang Menua Sarawak, Datuk Sri Dr. Stephen Rundi Utom madah, pengawa nya dikena nambahka infrastruktur ngelaku enggau ngerandang makit asil betanam betupi menua tu.

Ku iya, terminal nya deka nyadi hab dagang pemakai ungkup pengawa nugung enggau orang tengah asil betanam betupi.

“Nya alai perintah udah ngemendarka RM60 juta dikena numbuhka Terminal Agro Pemakai wilayah ba Semenggok enggau RM3.5 juta deka diagih dikena ngepunka pengawa ba taun 2023.

“Kelimpah ari nya, opis menteri kami mega merambu numbuhka dua agro pemakai wilayah iya nya terminal ba Bebuling, Spaoh enggau ba Sungai Baji, Sarikei.

“Tiga da terminal agro pemakai mit ke bukai ba Lundu, Lachau, enggau Kapit ke alai diatur udah ba renggat perambu,” ku iya.

Rundi mantaika perambu nya ba simpul jurai Opis Menteri Industri Pemakai, Komoditi enggau Pemansang Kandang Menua Sarawak rambau Aum Kunsil Nengeri (Dun) tadi.

Suara Sarawak