Datuk Sharifah Hasidah Sayeed Aman Ghazali

KUCHING: Rang Undang-Undang (RUU) Konstitusyen Nengeri Sarawak (Ubah) (No.2) 2022 Mali Merejuk Parti udah dikemendarka sehari tu.

Sapit Menteri Ba Opis Premier Sarawak (Undang-undang, MA63 enggau Kaul Sarawak-Perintah Besai) Datuk Sharifah Hasidah Sayeed Aman Ghazali madah, ubah RUU ba Konstitusyen Nengeri Sarawak dibagi ngagai dua pekara.

“Keterubah, bekaul tagang nukar parti politik ti dipilih, tu awakka ulih nagang ‘niat’ tauka ‘merejuk parti’ lebuh udah dipilih.

“Nyema RUU tu dilaban, Kaban Kunsil Nengeri (Adun) deka diketu nyadi lalu penuduk iya mesti ditinggal tekala nya,” ku iya.

Hasidah bejaku munyi nya rambau Aum Ketiga Penggal Keterubah Kunsil Nengeri (Dun) Sarawak Ke-19 di Dun Sarawak ditu tadi.

Iya madah baru, RUU nya mega mungkur chalun independent ti udah dipilih nyadi Adun ngena tiket independent ti nyemilik parti bukai.

“Chalun nya mega deka badu nyadi Adun tekala nya,” ku iya nyemetak.

Ku Hasidah, tuju pekara nya awakka Konstitusyen Nengeri Sarawak seriris enggau Konstitusyen Perintah Besai.

Suara Sarawak