KUCHING: Gerempung Bini Menteri Sarawak (Sabati) meri bantu penyampau RM275,000 ngagai 69 buah gerempung enggau ejensi beserimbai pengerami bejadika wisma baru.

Entara penerima bantu pemadu besai iya nya 55 buah Gerempung Palan Mulaika Pemanah Ulah Dalam Komuniti (PPDK) di selampur Sarawak penyampau RM110,000.

Pia mega, Sepital Besai Sarawak (SGH) mega nerima bantu sebuah unit ‘Philips Ultrasound System’ berega RM100,000.

NANGKUP PEMINTA… Juma’ani (tiga kanan) nyuaka bantu sistem ultrasound ngagai pengari SGH.

Bantu ngagai SGH nya udah disuaka ngagai Direktor SGH, Dr Ngian Hie Ung enggau Pakar Beputung Riman Tusu SGH, Dr Sharifah Ashrina Wan Ali.

Sepenyampau RM65,000 agi diberi ngagai Sarawak Cheshire Home, Gerempung Bengal Sarawak, Gerempung Orang Buta Sarawak, Gerempung Autism Kuching, Gerempung Nembiak Riman Sarawak enggau Tim Sukung Riman Tusu Sarawak.

Gerempung Tim Sukung Riben Kalas Sarawak, Gerempung Pengelantang Pendiau Psikiatri Sepital Sentosa Kuching, Kaunsil Temuai Rumah Seri Kanangan Kuching, Sarawak Medical Centre Sdn Bhd, Palan Atau Sarawak, Peryatim Kuching enggau PPSEAWA Sarawak Chapter mega nerima bantu nya.

Suara Sarawak