Datuk Joseph Salang Gandum

KUCHING: Pengundi udah ngundi lalu pemutus nya mandangka pengandal enggau timbal sida, ku Chalun Gempung Parti Sarawak (GPS), Datuk Joseph Salang Gandum.

Iya puntan ngerebut penuduk Parlimen Julau ari chalun Parti Bangsa Malaysia (PBM), Larry Sng Wei Shien ba Pengawa Bepilih Besai Ke-15 (PRU-15) ba pemutus dibantai kemari.

Ku iya, pemayuh undi ti diterima parti sepiak chukup enda disadang lalu iya ngaku mar deka melabaka pemutus pengundi.

“Ba timpuh tu kitai ulih meda kitai nerima undi ti mimit enti dibandingka enggau penyampau pengundi rejister ba sitak tu.

“Sitak tu bisi 34,000 pengundi tang semina 22,000 aja nurun ngundi lalu pekara tu chukup enda disadang,” ku iya lebuh dirandau pemberita.

Suara Sarawak